Најден пропуст во Windows Mobile

Сигурносните компании предупредија на пропуст во Windows Mobile софтверот на Microsoft, кој во случај на искористување може да доведе до пад на системот на мобилните телефони и другите уреди кои работат на овој оперативен систем.

Јапонската компанија Trend Micro извести дека пропустите во овој софтвер се наоѓаат во Windows Mobile Internet Explorer и Windows Mobile Pictures and Video, а до нивно искористување може да дојде преку отварање на малициозни интернет страници или малициозни JPEG датотеки на WM уредот.

Од Trend Micro велат дека за овие пропусти ги известиле луѓето од Microsoft, па во јавноста не изнесуваат премногу детали за нив. Сметаат дека бидејќи пропустите не се познати за јавноста, не постои голема опасност за нивно искористување и нивните корисници можат да бидат спокојни. Од Microsoft e потврдено дека го добиле предупредувањето и се очекува средување на пропустите.