Сомневање дека iPhone 8 има компоненти без сертификат

Кинескиот медиум Commercial Times тврди дека еден од производителите за делови на iPhone е фатен со „неавторизирани компоненти“, со кои го склопувал iPhone 8 во Кина. Apple наводно и наредил на дотичната компанија Wistron да престане со производството кога се открил проблемот, а склопувањето на смартфоните е стопирано за двонеделен период.

Wistron не негирал дека користи лажни компоненти, ниту дека производството е прекинато на одреден временски период. Проблемот со лажните делови се однесува на водоотпорните делови што немаат сертификат и затоа сега се наметнува прашањето дали може да издржат вода и прашина. Wistron е вториот снабдувач на Apple во Кина, додека најголем дел од нарачките ги презема Foxconn.