Intel го претставува првиот нивен таблет Studybook
Intel конечно, по многу гласини, го претстави нивниот прв таблет, наречен „Studybook“.
Intel Studybook е уред направен од гума, наменет да го издржи и малтретирањето од најмладите. Покрај гумата, тој е изработен од пластика, околу приклучоците има гумени поклопци за да го заштити таблетот од прашина, а на екранот има и апсорбирачи на удар за го заштити екранот од удари или случајни падови до висина од 70 сантиметри.
Во однос на перформансите. Се работи за уред со 7 инчен екран кој нуди резолуција од 1024 x 600 пиксели, 1GB RAM меморија, USB 2.0, HDMI и аудио приклучоци.
Во однос на поврзувањето, ќе најдете слот за MicroSD мемориска картичка, слот за SIM картичка за 3G конекција, потоа бежична мрежа, задна камера од 2 и предна од 0,3 мегапиксели, додека за батеријата се тврди дека изджува 5,5 часа „добро“ работење.
Intel ќе работи на Android 4.0 Ice Cream Sandwich или Windows 7 – веројатно во зависност на заинтересираните купивачи, а ќе доаѓа во разни конфигурации.
Во однос на цената, веројатно таблетот ќе почне да се продава по цена од 200 долари.