Angry Birds Star Wars за iOS и Android
Објавено на 08.10.2012 во Новости
Мега популарната игра за мобилен Angry Birds се сели во нова димензија, овој пат на мобилните екрани ќе се појави игра која ќе биде во стилот на култниот научно-фантастичен филм Star Wars.
Веќе се појави првиот тизер за новата игра во која гневната птица е облечена како џедај од легендарната сага на режисерот Џорџ Лукас. Rovio уште еднаш ќе застане зад креативната игра која ги срши сите рекорди на превземање, без оглед на мобилната платформа.
Новото продолжение кое ќе се одвива во една „далечна галаксија“ треба да се појави на 8 ноември, а ќе биде достапна за превземање од App Store на Apple и Google Play Store за Android. Од следното видео погледнете како гневната птица се претвора во мастер Јода.
Текстот не смее да се печати или емитува, во целина или во делови без договор со Telefoni.mk.