Android 4.x со речиси 40% од екосистемот

Во овој период од месецот Google го ажурира бројот на верзии на Android платформата, а статистиката за овој месец е многу поинтересна од вообичаено, бидејќи ја опфаќаат и празничната Божиќна недела. Само за Божиќ оваа година беа активирани 17 милиони уреди на iOS и Android, и 50 милиони уреди во текот на целата недела. Се чини дека Ice Cream Sandwich и ажурирањето на Jelly Bean за Android помогна Android 4.x да достигне речиси 40% од екосистемот.

Големиот победник овој месец беше Android 4.1 Jelly Bean кој скокна од 5.9% на солидни 9% од екосистемот. Android4.2 (Nexus уреди) имаше скромен пораст овој месец, по удвојување на својот удел минатиот месец, од 0.8% на 1.2%. Android 4.0 Ice Cream Sandwich, исто така, има незначително зголемување од 27.5% на 29.1%, со што Android 4.x изнесува вкупно 39.1%.

Нема никакви промени кај Android 3.x Honeycomb, но сите постари верзии на Android се намалени со Android 2.3 Gingerbread кој имаше најголем пад и конечно падна под 50% од пазарот на 47.6%. Се разбира, иако падна толку многу, сепак Gingerbread уште го сочинува најголемиот дел од екосистемот на Android.