Huawei го лансира својот прв WP 8 смартфон
Кинеската компанија Huawei започна борба на сите фронтови, па покрај одличните Ascend Mate и Ascend D2, ќе биде лансиран и нивниот прв смартфон Huawei Ascend W1 со оперативен систем Windows Phone 8.
Овој нов смартфон ќе се приклулчи на друштвото на веќе добро познатите Nokia Lumia 820, HTC 8S, како и Samsung Ativ Odyssey, со што би требало да видиме уште еден одличен Windows Phone 8 смартфон. Huawei Ascend W1 беше најавен на CES пред една недела, а сега ги имаме и сите конкретни детали.
Тој има екран со големина од 4 инчи со резолуција од 480 х 800 пиксели, дво-јадрен Qualcomm Snapdragon S4 процесор со работен такт од 1.2 GHz, 512 MB RAM, графичка Adreno 305, 4 GB вградена меморија со можност за надополнување од 32 GB преку мемориска картичка microSD. Ќе поседува и главна камера од 5 мегапиксели, како солидна батерија од 1950 mAh.
Huawei Ascend W1 ќе се појави најпрво во Кина и Русија, а за понатаму е планиран и негов пласман на европскиот пазар. Според овие карактеристики се работи за смартфон од средната класа на Windows Phone 8, со што би требало и неговата цена да биде многу пониска од останатите конкуренти.
