Sony ќе ги следи сите Xperia смартфони

Јапонската компанија Sony наскоро ќе лансира нов сервис за сопствениците на смартфони наречен My Xperia, преку кој ќе може да го следите вашиот смартфон, да го управувате од далечина и да го заклучите во случај на кражба.

Сервисот My Xperia сеуште е во пробна фаза и засега е достапен само за скандинавските земји во целост и може да го користат само дореден број на Xperia модели со оперативен систем Android Ice Cream Sandwich. Sony целосната верзија ќе ја пушти во употреба во третиот квартал од оваа година.

Преку My Xperia ќе може да добиете сигнал од смартфонот во случај да го изгубите или ако заборавите каде сте го оставиле, со што тој ќе емитува звучни сигнали или пак ќе може да ја следите неговата локација преку мапа. Ќе има и опција за бришење на податоците далечински и заклучување на смартфонот преку овој софтвер.