ZTE Grand X Quad се појави во јавноста
Објавено на 25.03.2013 во Новости
Најновиот производ на ZTE конечно се појави со прва слика во јавноста, откако претходно кинеската компанија го најави овој смартфон кој ќе поседува одлични карактеристики и ќе биде подостапна варијанта на супер смартфонот ZTE Grand S.
ZTE Grand X Quad според најавите ќе поседува 5 инчен екран кој е поевтина варијанта од екраните со Full HD, како и четири-јадрен процесор со 1.2 GHz, кој е за нијанса послаб од процесорот на ZTE Grand S. Од останатите карактеристики познато е дека ќе има и 8 мегапикселна камера и одлична батерија со капацитет од 2500 mAh.
Засега не е познато колку ќе изнесува неговата цена, како и датумот на негово пуштање во продажба, а најпрво ќе биде достапен во САД и Европа. ZTE Grand X Quad ќе поседува и можност за работа со две SIM картички.
Текстот не смее да се печати или емитува, во целина или во делови без договор со Telefoni.mk.