Новиот HTC Desire P официјално потврден
Објавено на 02.04.2013 во Новости
Тајванската компанија за производство на мобилни телефони официјално потврди дека наскоро ќе биде пуштен во продажба новиот смартфон од серијата Desire која досега понуди голем број на квалитетни уреди од средната класа.
Новиот HTC Desire P за почеток ќе се продава на домашно тло во Тајван, а понатаму се очекува и негова достапност на светските пазари. HTC Desire P има 4.3 инчен екран со резолуција од 480 х 800 пиксели, додека пак хардверот се состои од дво-јадрен процесор од Qualcomm со брзина од 1GHz, 768MB RAM и 4GB вградена меморија.
Најверојатно за да се заштеди на цената која изнесува околу 350 долари, HTC Desire P нема да подржува 4G мрежа и конекција и останува уште само официјална потврда од тајванската компанија за плановите на неговата интернационална продажба.
Текстот не смее да се печати или емитува, во целина или во делови без договор со Telefoni.mk.