Lenovo K900 го победи Samsung Galaxy S IV
За многумина може ќе биде изненадување, но речиси непознатиот бренд на Lenovo и нивниот најдобар смартфон Idea Phone K900 успеа да го победи Samsung Galaxy S IV на тестирањето на капацитетот на хардверот.
Lenovo Idea Phone K900 за тие што не се запознаени е врвен смартфон барем според карактеристиките и поседува ѕверски четири-јадрен процесор Intel Atom Crail+ со брзина од 2 GHz, кој во овој случај е подобар од четири-јадрениот процесор на Samsung Galaxy S IV кој е од серијата Qualcomm 600 со брзина од 1.9 GHz. Иако се очекуваше знаменосецот на Samsung да ги освои сите тестови, т.н бенчмаркови и да се промовира во апсолутен владетел, Lenovo Idea Phone K900 се докажа како фаворит од сенка.
Можеби ваквиот резултат нема да влијае премногу во однос на популарноста на Samsung Galaxy S IV и неговата продажба, бидејќи зад него стои успешен и веќе докажан бренд, но кинескиот Lenovo целосно го смени својот лик и докажа дека е способен и за производство на врвни смартфони кои може да се натпреваруваат со најдобрите.
