Alcatel One Touch Idol Ultra во продажба за 265 евра
Еден од најдобрите смартфони на Alcatel - One Touch Idol Ultra веќе е пуштен во продажба на пазарите и е достапен по цена од 265 евра. Alcatel тврди дека Idol Ultra е најтенкиот Android телефон во светот со своите 6.45мм дебелина, но тоа тврдење тешко може да се потврди со оглед на тоа постојано излегуваат нови модерни и тенки уреди по градба.
Како и да е, One Touch Idol Ultra работи на чипот MediaTek MT6577 со дво-јадрен 1.2GHz Cortex-A9 процесор, PowerVR SXG531T графика и 1GB RAM меморија. Остатокот од спецификациите вклучуваат екран од 4.7–инчен AMOLED 720p, 8 МР задна камера со видео снимање од 1080p, 16GB внатрешна меморија која не може да се надгради, и оперативен систем Android 4.1 Jelly Bean.
Сега за сега, Alcatel One Touch Idol Ultra започна со лансирање на одредени азиски пазари, но се надеваме дека овој извонреден уред со прифатлива цена ќе пристигне и кај нас.
