BlackBerry Q10 со поголема продажба од Galaxy S4, HTC One и iPhone 5 во Франција

До сега слушнавме различни гласини за успехот на новите BlackBerry смартфони на канадската компанија - BlackBerry 10. Користејќи разлилни методи за испитување на пазарот, некои аналитичари тврдат дека продажбата на новите смартфони е силна, додека други велат дека таа е прилично слаба. Како и да е, една работа е јасна - најновите уреди на BlackBerry се вистински хит во Франција.

Според францускиот безжичен оператор SFR, BlackBerry Q10 е најпродаваниот паметен телефон во својата мрежа. Смартфонот ги надминува во продажбата Galaxy S4, HTC One, Lumia 520 па дури и iPhone 5. Исто така и BlackBerry Z10 се продава повеќе од iPhone 5, Sony Xperia Z и Galaxy S III.

SFR има повеќе од 21 милион претплатници и е втор по големина мобилен оператор во Франција. Доколку вакви слични трендови се случат и кај другите мрежи, BlackBerry конечно може да го има својот прв хит за сосема извесно време.