Google инвестира во контролите без допир
Се проценува дека Google од 2010 година па се до денес купува една компанија неделно, со цел да обезбеди нови проекти, иновации и талентиран кадар кој потоа ќе го искористи за сопствени потреби, а од друга страна ќе спречи тоа знаење да падне во рацете на конкурентите.
Најнова аквицизија е компанијата Flutter која како што асоцира името е специјализирана за контроли без допир, односно со гестови и одманвување со раката над површината на екранот. Зделката се претпоставува дека не изнесува повеќе од 5 милиони долари, што значи дека Google поминал евтино, а ова е само дел од стартегијата за развој на софтвер кој ќе се управува без допир.
Целта на Google е да му се доближи на Samsung кој разви сопствен софтвер како паметните контроли кои се активираат со одмавнување на раката над површината на екранот и со отргнување на погледот за автоматско паузирање на видеото. Затоа на Google му треба овој проект кој ќе се вгради во корисничкиот интерфејс на Android, a во тој случај нема да назадува во однос на Samsung кој се повеќе се осамостојува.
Употребата на проектот на Flutter освен во платформата на Android може да се искористи и за поголема функционалност на паметните очила Google Glass, со препознавање на гестовите на раката и очите со што би се активирале различни опции без притоа корисникот да посегнува кон очилата, туку да ги користи на поприроден начин.
Автор
Христијан Станоевиќ