Таблетот што ги порази iPad Air и Nexus 10
Објавено на 08.11.2013 во Новости
DisplayMate е сајт кој редовно врши тестови на екраните на мобилните уреди, а секако најитересниот дел е кога ќе се направи директна споредба меѓу најдобрите. Ќе се изненадите кога ќе дознаете дека таблетот Amazon Kindle Fire HDX е драстично подобар од далеку попознатите iPad Air и Nexus 10.
Kindle Fire HDX 8.9 не само што е подобар од iPad Air и Nexus 10 туку го има и досега најдобриот екран според тестовите на DisplayMate. Таблетите биле тестирани во категориите видливост од различни агли, контраст, рефлексија на светлина и точност на боите.
Amazon HDX 8.9 има IPS LCD диплеј со резолуција од 2560 x 1600 што пресметано со големината од 8.9 инчи се добива густина од 339 пиксели на еден инч. Споредбено со него iPad Air има за нијанса пониска резолуција од 1536 x 2048 и поради големината од 9.7 инчи се добива густина на сликата од 264 ppi, а Nexus 10 пак со екранот од 10 инчи има резолуција од 2560 x 1600 пиксели и густина на сликата од 299 ppi.
Текстот не смее да се печати или емитува, во целина или во делови без договор со Telefoni.mk.
