Совет како да заштедите на сметката за мобилен
Објавено на 12.08.2014 во Туториали
Постојано расте бројот на корисници кои купуваат нови паметни телефони и се повеќе ги користат интернет сервисите, но доколку не внимавате сметката за мобилниот интернет, ако често го користите може да биде премногу висока, па затоа ви даваме совет како да заштедите.
Новата надградба на мобилната апликација на интернет прелистувачот Chrome ќе ви заштеди 50 проценти од сметката за мобилен бидејќи со новите подобрување се остварува помалку интернет сообраќај поточно веб страниците кои ги посетувате поминуваат низ прокси серверите на Google и се намалува нивната големина.
За да ги добиете новите бенефити од нејзиното користење треба да ја активирате опцијата за оптимизирање на интернет сообраќајот преку Chrome во менито "Settings > Bandwidth Management > Reduce data usage". Апликацијата Chrome е одличен избор за сурфање на интернет и кај многу Android смартфони доаѓа како дел од софтверот, а исто така корисниците на iOs може слободно да ја инсталираат.
Отако ќе ја активирате опцијата за намалување на искористените податоци од интернет ќе може и да проверите колку интернет сообраќај сте заштедиле во менито за подесување на Chrome и заштедата се движи до 50 проценти. На овој начин доколку често се поврзувате преку мобилната мрежа ќе може двојно повеќе да посетувате интернет страни, да гледате видеа и да се вклучувате на социјалните мрежи.
Апликацијата Chrome за Android може да ја превземете од Play Store, додека пак корисниците на iOs може да ја најдат во App Store.
Автор
Христијан Станоевиќ
Текстот не смее да се печати или емитува, во целина или во делови без договор со Telefoni.mk.