Alcatel ги претстави новите мобилни идоли

Објавено на 23.02.2014 во Новости



Alcatel ги претстави новите мобилни идоли

Alcatel на само еден ден пред почетокот на Светскиот мобилен конгрес претстави повеќе нови смартфони од познатата серија Idol кои ќе се натпреваруваат во сите класи. Јавноста официјално може да ги погледне Alcatel One Touch Idol 2 и Alcatel One Touch Idol 2 mini, кои најмногу се издвојуваат со ниската цена и квалитетните компоненти.
 
 
Се работи за уреди од средната класа кои имаат добро скроени компоненти. Alcatel One Touch Idol 2 има 5 инчен екран со резолуција од 720 х 1280 пиксели, четири-јадрен процесор од 1.2 GHz, 1 GB RAM, 16 GB меморија и 8 мегапикселна камера. Alcatel One Touch Idol 2 ќе се продава по цена од само 199 евра.
 
 
Неговата мини верзија има помал екран од 4.5 инчи со поскромна резолуција од 540 x 960 пиксели, четири-јадрен процесор со брзина 1.2 GHz, 1 GB RAM и 8 мегапикселна камера, а исто како и Alcatel One Touch Idol 2 работи на оперативниот систем Android 4.3 Jelly Bean. Цената на Alcatel One Touch Idol 2 mini е поставена на 169 евра и се очекува двата смартфона наскоро да бидат пуштени во продажба.