Huawei MediaPad X1 - Најлесниот Android таблет/телефон

Објавено на 24.02.2014 во Новости



Huawei MediaPad X1 - Најлесниот Android таблет/телефон

Huawei претстави нова серија на MediaPad таблети од кои најголемо внимание привлекува новиот X1 именуван како најтенкиот Android таблет на пазарот кој има дополнителни телефонски функции, односно може да работи на LTE 4G мобилна мрежа.
 
 
Huawei MediaPad X1 има 7 инчен IPS-LCD екран со резолуција од 1200 x 1920 пиксели и неверојатно практичен дизајн бидејќи рамката околу дисплејот е сведена на минимум со што се добиваат многу ефикасни димензии. Затоа Huawei MediaPad X1 е најлесниот таблет со само 239 грама, само за споредба фаблетот HTC One Max тежи 217 грама, додека неговата дебелина е минимална со само 7.18 милиметри.
 
 
Хардверот на Huawei MediaPad X1 е предводен од новиот HiSilicon Kirin 910 четири-јадрен процесор кој го изработува самата компанија и допрва треба да ги докаже своите предности. Понатаму таблетот е опремен со фанатастична 13 мегапикселна камера и супер издржлива батерија од 5000 mAh која овозможува активна работа од цели пет дена.