Запознајте го маратонецот Lenovo S860
Објавено на 25.02.2014 во Новости
Lenovo е амбициозна компанија која неодамна пртстави три нови смартфони во склоп на Светскиот мобилен конгрес и откако се расчисти прашината околу Samsung Galaxy S5 време е да се посвети внимание и на останатите производи. Овој пат ви го претставуваме маратонецот Lenovo S860 кој го заслужи овој епитетот со батеријата со рекорден капацитет од 4000 mAh.
Lenovo S860 е еден од најинтересните смартфони во последно време токму благодарение на мега батеријата која може да ја користите непречено со денови, а смартфонот може да се употреби и за полнење на други уреди. Lenovo S860 има 5.3 инчен HD екран со резолуција од 1280 x 720 пиксели што е сосема доволно за остра слика со висок степен на деталност.
Хардверот на Lenovo S860 припаѓа на средната класа и се искористени нешто поевтини компоненти како што е четири-јадрениот Mediatek процесор со брзина од 1.3GHz, 2 GB RAM, 16 GB меморија и камера од 8 мегапиксели. Lenovo S860 ќе се продава по цена од 350 долари без склучен договор што е многу прифатлива сума за квалитетен смартфон од средната класа со батерија со огромен капацитет.
Текстот не смее да се печати или емитува, во целина или во делови без договор со Telefoni.mk.