Откриен е новиот Samsung Galaxy Ativ SE
Објавено на 17.03.2014 во Новости
Подолго време се шпекулираше за спецификациите на новиот смартфон на Samsung Mobile кој ќе работи на оперативниот систем Windows Phone и овој уред под кодното име Samsung Huron конечно е откриен, односно се протечени добар дел од неговите спецификации.
Според најновите информации смартфонот официјално ќе го носи името Samsung Galaxy Ativ SE и ќе поседува 5 инчен Full HD дисплеј, ќе работи на четири-јадрен Qualcomm Snapdragon процесор но, серијата се уште не е позната. Хардверот ќе биде надополнет и со 2 GB RAM, заедно со стандардни компоненти за високата класа.
Дизајнот и естетиката многу потсетуваат на ланскиот фаворит Samsung Galaxy S4, што значи се очекува слично куќиште и квалитет на изработка, со физичко Windows Phone копче под екранот. Samsung Galaxy Ativ SE се очекува да пристигне на почетокот на април.
Текстот не смее да се печати или емитува, во целина или во делови без договор со Telefoni.mk.
