HTC One M8 доаѓа и во помало пакување
Објавено на 28.03.2014 во Новости
Неодамна претставениот премиум смартфон HTC One M8 со сигурност ќе добие мини верзија бидејќи на повеќе места се појавуваат информации кои тврдат дека по само неколку недели мобилните оператори ќе добијат примероци и од HTC One M8 mini.
HTC One M8 mini ќе биде одличен избор за тие што сакааат квалитетно дизајниран смартфон, но со помали димензии. Според шпекулациите HTC One M8 mini ќе има 4.5 инчен дисплеј со HD резолуција од 720p, како и дека ќе работи на четири-јадрен Snapdragon 400 процесор на 1.4GHz, со 1 GB RAM и 16 GB меморија.
Со овие компоненти HTC One M8 mini ќе припаѓа на средната класа и нема да го следи концептот на Sony Mobile кој мини верзијата Sony Xperia Z1 Compact ја лансираше во премиум класата со топ спецификации, но со помал екран.
Текстот не смее да се печати или емитува, во целина или во делови без договор со Telefoni.mk.