Ова се адутите на Nokia Lumia 635
Објавено на 06.05.2014 во Новости
Nokia Lumia 635 е првиот смартфон на финската компанија кој ќе се продава со инсталирана најнова верзија на оперативниот систем Windows Phone 8.1 кој сите софтверски новитети, одличната понуда на апликации и сервиси како и ниската цена од само 200 долари го прават идеален избор за сите корисници кои не би требало да се соочат со никакви компромиси кога се во прашање перформансите.
Барем тоа е идејата на Nokia и новоформираната компанија Microsoft Mobile за продажба на смартфоните од средната класа како Lumia 635 кој има 4.5 инчен екран со qHD резолуција, работи на четири-јадрен Snapdgragon 400 процесор, со 512 MB RAM, 8 GB меморија, 5 мегапикселна камера и батерија од 1830 mAh.
Секако со овие спецификации идејата за бескомпрoмисност на цена и перформанси кај Nokia Lumia 635 не е идеална, но треба да се има во предвид квалитетната градба на смартфонот и високата оптимизација која Nokia секогаш ја постигнува. За дополнителна промоција на Nokia Lumia 635 е снимена и следнава реклама која ги открива најголемите адути на овој пристоен Windows Phone 8.1 смартфон.
Текстот не смее да се печати или емитува, во целина или во делови без договор со Telefoni.mk.