Nokia X2 ќе работи на Android и Windows Phone

Објавено на 27.05.2014 во Новости



Nokia X2 ќе работи на Android и Windows Phone

Првиот Nokia Android смартфон беше одличен показател дека купувачите се заинтересирани за овој невообичаен спој на хардвер и софтвер и резултатот беше експерименталниот Nokia X кој си го најде своето место во ниската класа. Но, доколку Nokia и Microsoft имаат амбиција да го продолжат овој проект Nokia X2 мора да понуди многу повисок квалитет.
 
 
Една од можностите е Nokia X2 да работи на Dual OS режимот, односно истовремено да понуди два оперативни системи како Android и Windows Phone, но овој пат со целосен пристап до апликациите во Google Play Store и секако многу помоќен хардвер. 
 
 
Dual OS концептот не го прифаќа Google, но според најновите шпекулации постои можност токму Nokia X2 да ја пробие оваа бариера. Смартфонот може да се очекува кон крајот на есента со 4.5 инчен екран, дво-јадрен процесор, 1 GB RAM и 5 мегапикселна камера, но ние се надеваме дека ова се само почетни спецификации и конечниот модел ќе биде многу помоќен.

Автор
 
Христијан Станоевиќ