Јаки журки со Motorola Moto Stream
Објавено на 04.06.2014 во Новости
Motorola Mobility се уште чека погоден момент да го претстави новиот премиум смартфон Motorola Moto Х+1, но затоа пак промовираше одличен Bluetooth аудио уред кој може да го поврзе било кој звучник или музички систем со вашиот смартфон, таблет или лаптоп.
Motorola Moto Stream преку кабел се поврзува со звучниците, а потоа преку Bluetooth конекција може да препознае до пет различни смарт уреди од кои може да пренесувате музика на вашите забави. Од тие пет поврзани уреди секој може да пушти своја песна по желба, а дометот на Motorola Moto Stream изнесува околу 100 метри, а исто така може да ја користите и NFC технологијата за поедностaвно и побрзо поврзување.
Motorola Moto Stream е компатибилен со сите големи мобилни платформи како што се Android, iOs и Windows и ќе се продава со почетна цена од 49 долари. Motorola Moto Stream има форма на дијамант и тежи само 140 грама.
Текстот не смее да се печати или емитува, во целина или во делови без договор со Telefoni.mk.
