Samsung прави Android Wear смартчасовник за ќеиф на Google

Објавено на 16.06.2014 во Смарт часовници



Samsung прави Android Wear смартчасовник за ќеиф на Google

 
Samsung Mobile првично не покажа никаков интерес да му се приклучи на Google во новата софтверска платформа наменета за преносни мобилни уреди како што се смарт часовници, но најновиот уред откриен од агенциите за комуникации го покажува сосема спротивното.
 
 
Samsung отиде до таа мера што во постојната серија на Gear смарт часовници целосно го отстрани Android системот и го замени со сопствениот Tizen OS, па затоа ваквата одлука за користење на Android Wear е мало изненадување, што можеби произлегува од притисокот кој го извршил Google.
 
 
Досега само LG и Motorola ги најавија своите смарт часовници LG G Watch и Moto 360 кои ќе работат на Android Wear и се очекува да пристигнат на почетокот на јули по цена од околу 200 долари, што значи дека Samsung со смартчасовникот кој ќе има Wi-Fi и Bluetooth конекција, сепак ќе им биде голем конкурент.
Автор: Aleksandar Stankov