Android Wear доби посебно место во Play Store
Објавено на 04.07.2014 во Новости
За само неколку дена во продажба ќе бидат пуштени првите смарт часовници кои ќе работат на новата софтверска платформа Android Wear и за таа цел Google креираше нова категорија во Play Store на која се сместени сите апликации со дополнителни функции наменети за првите смарт часовници.
.jpg)
На листата на апликации кои може да ги инсталираат сопствениците на Android Wear часовник се Maps, Hangouts, апликацијата на магазинот The Guardian, бизнис и финансиски апликации како Level Money, Personal Capital Finance, апликации за патување како апликациите на авиокомпаниите American Airlines и Delta и уште многу други.
Бројот на Android Wear апликации кои ќе имаат дополнителни функции за организација и информирање преку смарт часовникот ќе се зголемува во наредниот период бидејќи платформата е отворена за сите девелопери, а свој придонес ќе дадат и самите партнери на Google со нивните Motorola Moto 360, LG G Watch и Samsung Live Gear.
Текстот не смее да се печати или емитува, во целина или во делови без договор со Telefoni.mk.
