Google Wallet ќе го надмине PayPal

Објавено на 18.07.2014 во Новости



Google Wallet ќе го надмине PayPal

Google имаше преголеми амбиции со проектот Google Wallet кој беше замислен како систем за мобилни плаќања со смартфонот преку едноставната NFC конекција, но комерцијалните партнери не одговoрија со истата брзина на развој. Тоа го предизвика гигантот да воведе квалитетни промени во Google Wallet и да го поедностави начинот на плаќања и трансфер на пари.
 
 
Отсега преку Google Wallet ќе може да креирате кориснички профили и да ги користите вашите стандардни платежни картички, потоа NFC конекцијата не е предуслов бидејќи сите трговци немаат NFC читачи, како и да пренесувате и побарувате пари од останати корисници.
Преку Google Wallet може да извршувате и онлајн порачки, да испраќате картички со подароци и да користите платежни купони од одредени продавници и познати брендови како Nike, AMC, Best Buy и други. 
 
 
Google Wallet слично како и PayPal сервисот не функционира целосно во Македонија, но доколку се согледаат неговите можности и капацитет и корисниците ги увидат неговите предности во е-трговијата застапеноста сигурно ќе се зголеми.