Едвард Сноуден - НСА краде разголени фотки од граѓаните
Објавено на 21.07.2014 во Новости
Најпознатиот инсајдер на американската разузнавачка област Едвард Сноуден најави дека ќе се фокусира на создавање на нов софтвер кој ќе ги заштити граѓаните од шпионирањето на властите, а во овој потфат помош бара од останатите хакери.
Тој откри дека cloud сервисот Dropbox е директно контролиран од агентите на НСА и служи за шпионирање, па затоа препорачува користење на побезбедни сервиси. Според Сноуден агентите на НСА откривале интимни слики на многу шпионирани лица и ги споделувале меѓу себе што нема никакви врска со националната безбедност и следење на терористички активности.
Едвард Сноуден одржа интернет конференција од Москва наречена HOPE на која ги претстави идеите и насоките за заштита на граѓаните од злоупотребите на власта, како и подобра платформа за откривање на нови тајни од инсајдерите како него кои имаат можност да откријат штетни постапки на владини и приватни организации.
Едвард Сноуден слично како Џулијан Асанж имаше јасна визија за демаскирање на сите тајни операции на САД, но и на сите останати влади во светот кои неовластено ги следат своите граѓани и ги ограничуваат нивните граѓански права и слободи.
Автор
Христијан Станоевиќ
Текстот не смее да се печати или емитува, во целина или во делови без договор со Telefoni.mk.
