Наскоро водоотпорен HTC J Butterfly 2 со 13 MP камера
Објавено на 31.07.2014 во Новости
HTC наскоро ќе престави нов смартфон кој ќе има сличен изглед како и премиум моделот HTC One M8, но со неколку интересни промени во компонентите. HTC J Butterfly 2 е предвидено да има дизајн отпорен на вода и прашина но, со пластична, а не со метална конструкција.
HTC J Butterfly 2 исто така ќе има Duo Camera со двоен блиц и сензoр, но наместо Ultra Pixel апаратура која впрочем доби многу критики за ограниченоста од само 4 мегапиксели, HTC ќе ја замени со камера од 13 мегапиксели. За да се заштеди на вкупната цена HTC J Butterfly 2 ќе биде еден од ретките премиум смартфони без звучниците HTC BoomSound.
.jpg)
HTC J Butterfly 2 доаѓа со 5 инчен Full HD дисплеј, четири-јадрен Qualcomm Snapdragon 801 процесор, 2 GB RAM, 16 GB меморија, батерија со капацитет од 2700 mAh, 5 мегапикселна предна камера, 4G LTE конекција и ќе работи на оперативниот систем Android 4.4 KitKat. Првично HTC J Butterfly 2 е предвидено да биде пуштен во продажба во Јапонија во текот на август, а потоа ја очекуваме и неговата интернационална верзија.
Текстот не смее да се печати или емитува, во целина или во делови без договор со Telefoni.mk.
