Nokia Lumia 930 го освои Монт Еверест
Објавено на 02.08.2014 во Новости
Nokia продолжува со снимањето на импресивни видеа за истакнување на целосните потенцијали на камерата на премиум смартфонот Nokia Lumia 930, а задачата за тоа им ја доверуваат на професионални фотографи. Најновата авантура се одвива на импозантниот планински врв Монт Еверест.
.jpg)
Хималаите се најголемиот и најтешкиот планинарски предизвик, но истовремено и најубавиот за креирање вонвременски слики и видеа. Фотографот Стивен Алварез кој работи за National Geografic е на задача да направи фото и видео репортажи од седумте природни светски чуда, но во потфатот користи само смартфон.
Според Стивен Алварез Nokia Lumia 930 е одличен за користење во природа и на вакви екстремни локации бидејќи е компактен, многу цврст и издржлив, а може да се пофали и со PureView камера од 20 мегапиксели. Резултатите од патешествието на Nokia и National Geografic може да ги погледнете од следното видео.
Текстот не смее да се печати или емитува, во целина или во делови без договор со Telefoni.mk.
