Официјално Lenovo Tab S8 - Најмоќниот евтин таблет
Објавено на 03.09.2014 во Новости
Lenovo Tab S8 е најновиот 8 инчен таблет во евтината Android понуда, но цената од само 199 долари воопшто не треба да ве излаже бидејќи се работи за моќен уред кој има најнова технологија и моќни компоненти.
Lenovo Tab S8 работи на четири-јадрен Intel Atom процесор со 64 битна архитектура која многу побрзо ги завршува операциите и совршено ќе се вклопи со новите функции на Android 4.4 KitKat и подоцнежната надградба со најновата верзија Android L. Хардверот го комплетираат и 2 GB RAM, 16 GB меморија, LTE модем, 8 мегапикселна камера, одлична батерија со капацитет од 4290 mAh и Dolby звучници.
Lenovo Tab S8 доаѓа со 8 инчен IPS дисплеј со резолуција од 1920 х 1280 пиксели, а може да се пофали и со одлично скроени димензии од 209.8 x 123.8 x 7.9 милиметри и тежина од 299 грама. Lenovo Tab S8 ќе биде пуштен во продажба во текот на овој месец на глобалните пазари.
Текстот не смее да се печати или емитува, во целина или во делови без договор со Telefoni.mk.