Meizu MX4 Pro ќе работи на Ubuntu Touch
Објавено на 08.10.2014 во Новости
Meizu повторно ќе ја изненади јавноста со нов смартфон од премиум класата кој ќе има неколку исклучителни новитети, а најновите информации и протечени слики покажуваат дека постои можност да го користи кустумизираниот оперативен систем Ubuntu Touch.
За начинот на кој ќе функционира овој спој на софтверот на Ubuntu Touch и интерфејсот Flyme OS се уште нема конкретни детали, но може да се очекува високо ниво на персонализација и прилагодување на различни елементи од системот.
Хардверот на Meizu MX4 Pro воопшто нема да заостанува бидејќи се очекува употреба на осум-јадрен Samsung Exynos 5430 процесор изработен во 20 нанометарски процес, 3 или 4 GB RAM, 20 MP камера, како и екстра дисплеј од 5.5 инчи со Quad HD резолуција од 2560 х 1440 пиксели. Meizu MX4 Pro најверојатно ќе дебитира на почетокот на ноември по многу ниска цена од околу 350 евра.
Текстот не смее да се печати или емитува, во целина или во делови без договор со Telefoni.mk.
