HTC One E8 ќе прогледа со Eye Experience
Објавено на 14.10.2014 во Новости
HTC оваа година на повеќе наврати ја воодушеви јавноста со квалитетни смартфони кои исто така добија слични поевтини верзии, па наскоро се очекува селфи рекордерот со 13 мегапикселна предна камера HTC Desire Eye да добие поевтин модел.
Станува збор за HTC One E8 кој најверојатно ќе ги задржи истите спецификации и дизајн, но ќе биде надграден со веќе добро познатата 13 мегапикселна предна камера со двоен блиц, а исто така ќе го добие и новиот камера интерфејс HTC Eye Experience со бројни додатоци како Face Tracking, Screen Share, Split Capture, Face Fusion, Live Makeup, Auto Selfie, Voice Selfie, Photo Booth и Crop Me In here.
Да потсетиме HTC One E8 има 5 инчен Full HD дисплеј, стерео звучници, 4G LTE модем, 13 мегапикселна камера на задната страна, работи на четири-јадрен Snapdragon 801 процесор, 2 GB RAM, 16 GB меморија со слот за microSD картичка, како и фиксна батерија со капацитет од 2600 mAh, додека пак телото наместо од алуминиум е изработенo од пластика.
Текстот не смее да се печати или емитува, во целина или во делови без договор со Telefoni.mk.
