Samsung ќе се тагне со нов Facebook смартфон

Објавено на 15.10.2014 во Новости



Samsung ќе се тагне со нов Facebook смартфон

Постои голема можност Samsung Mobile да биде ангажиран од страна на Facebook за изработка на нов смартфон посветен на најголемата социјална мрежа и главните услуги како допишување преку Messenger и споделување на содржини. 
 
 
Samsung е посакуван партнер за Facebook бидејќи е најмоќниот Android бренд во светот со голем успех на Galaxy серијата, па токму затоа Facebook Galaxy смартфон може да биде интересен за купувачите, но за да успее спојот на двете компании мора да се прикаже на посуптилен начин, поучени од претходните искуства кои не поминаа славно.
 
 
HTC First беше првиот Facebook смартфон кој се покажа како големо разочарување и дебакл за двата бренда, бидејќи не беше привлечен за купувачите со досадниот дизајн, слабите хардверски компоненти, додека пак новиот Android лаунчер наречен Facebook Home имаше големи проблеми со функционалноста и по неколку дена речиси сите го избришаа од својот смартфон.
Автор: Aleksandar Stankov