5 плус за Samsung Galaxy S5
Објавено на 21.10.2014 во Новости
Samsung Mobile подготвува нова верзија на премиум смартфонот Samsung Galaxy S5 која до крајот на месецот ќе пристигне во Европа. Станува збор за Samsung Galaxy S5 Plus кој нема премногу да се разликува од почетниот модел, освен замената на процесорот со новиот Qualcomm Snapdgragon 805 со четири-јадра од 2.7 GHz.
Snapdgragon 805 има повеќе подобрувања во перформансите, како подршка за 4К HD видеа, побрзо процесуирање на сликите од камерата, овозможува поврзување на најбрзите 4G LTE мрежи и дополнително ја штеди батеријата.
Samsung Galaxy S5 Plus има 5.1 инчен Full HD Super AMOLED дисплеј, 16 мегапикселна камера, батерија со капацитет од 2800 mAh, скенер за отпечатоци, Heart rate сензор, водоотпорен дизајн со IP67 сертификат и работи на Android 4.4 KitKat. Цената на Samsung Galaxy S5 Plus најверојатно нема да биде поскапа од вообичаено и ќе се задржи на околу 600 евра.
Текстот не смее да се печати или емитува, во целина или во делови без договор со Telefoni.mk.
