Microsoft го претрка Google со Android 5.0 Lollipop апликација

Објавено на 24.10.2014 во Android



Microsoft го претрка Google со Android 5.0 Lollipop апликација

Microsoft продолжува со изработка на супер апликации за Android кои полека имаат амбиција да ги заменат основните функции на Google. Тоа е многу очигледно со новата апликација Next Lock Screen како што и сами може да заклучите е наменета за замена на заклучениот екран на Android.
 
Next Lock Screen - screenshot
 
Идејата на Microsoft преку Next Lock Screen е да му понуди на корисникот зголемена ефикасност од самиот старт штом го вклучи смартфонот, без потреба да го отклучува со пристап до сите основни апликации и известувања, за побрзо да стапи во комуникација или пак да провери одредена информации.
 
Next Lock Screen - screenshot
 
Next Lock Screen од старт нуди брз пристап до листа на омилени или најчесто користени апликации поделени во три категории, односно додека сте на работно место, кога сте дома и немате обврски или пак кога се движите. На овој начин веднаш може да ги видите новите SMS или e-mail пораки, да одговорите на повик и да го видите планот за работа.
 
Next Lock Screen - screenshot
 
Важноста на Next Lock Screen за Microsoft е што доаѓа многу порано во однос на активните икони и виџети кои ќе бидат дел од Android 5.0 Lollipop што значи дека корисниците ќе се навикнат на високиот степен на функционалност без заслуга на Google. 
 
 
Мора да се признае одличен план на Microsoft и доколку сакате да проверите како функционира Next Lock Screen тоа може да го сторите со бесплатно инсталирање на апликацијата од Play Store за Android.
 
Автор: Aleksandar Stankov