telefoni.mk со апликација за сите фанови на смарт технологија

Мобилната индустрија привлекува огромно внимание поради ефективноста со која и најсложените идеи ги претвора во реалност и ги прави достапни за сите. Информирањето за новите смартфони и таблети не е само наша пасија, туку и обврска да ви ги пренесеме сите најнови вести, како и да ви го олесниме изборот при купување на нов телефон или инсталирање на апликацијата која ќе ви биде од голема корист. Затоа со новата мобилна апликација на telefoni.mk многу брзо, едноставно и лесно ќе ги добиете сите потребни информации.

 

 

Апликацијата telefoni.mk е многу едноставна за користење и ви ги прикажува најновите вести, рецензии за телефони и апликации кои секојдневно се објавуваат, па веднаш може да дознаете што е ново или пак да прочитате наш совет за заштеда на батеријата или за трикови во оперативните системи. 

 

 

Навигацијата низ содржините е многу брза, на предната страна ќе ги прочитате најновите објавени вести, а подолу се наоѓаат рецензиите за телефони, таблети и оперативни системи. Од апликацијата може директно да ја посетите и нашата страна на Facebook, каде може да ги споделите вашите коментари, оценки и прашања. 

 

 

Од левата страна се наоѓа листата на категории со апликации за Android, iOs и Windows, како и мобилни игри. Десно се наоѓа mail сандачето каде може да не контактирате и да ни испратите предлози, идеи и мислења. 

 

 

telefoni.mk апликацијата е бесплатна за превземање и користење и може да ја најдете во Play Store за сите верзии на оперативниот систем Android.