Видео: Samsung Galaxy Note 3 работи со Android Lollipop
Објавено на 20.11.2014 во Новости
Samsung Galaxy Note 3 e четвртиот смартфон на Samsung за кој официјално се потврдува дека ќе добие надградба со најновата верзија на оперативниот систем Android Lollipop, а тоа е потврдено и во најново видео на кое е прикажана тест верзијата на софтверската надградба.
Претходно имавме можност да видиме како Android Lollipop ќе се вклопи во TouchWiz интерфејсот на Samsung кај премиум модели Samsung Galaxy S5, Note 4 и Galaxy S4, па според првите импресии може да се каже дека постигната е голема синхронизација на различните елементи од софтверот, како и одлична брзина и ефикасност во транзициите низ менито.
Надградбата со Android Lollipop за најквалитетните Samsung Galaxy смартфони ќе биде завршена во текот на декември, а останатите модели ќе треба да почекаат до почетокот на 2015 година.
Текстот не смее да се печати или емитува, во целина или во делови без договор со Telefoni.mk.
