Asus ZenFone Zoom е најтенкиот камера смартфон

Објавено на 07.01.2015 во Новости



Asus ZenFone Zoom е најтенкиот  камера смартфон

Трендот на супер камера смартфони го започна Nokia со легендарниот PureView со 41 MP камера, па оттогаш ретко кој освен Samsung се обиде да лансира сличен смартфон. Asus тоа планира да го промени со новиот ZenFone Zoom кој има 13 мегапикселна PixelMaster камера со 3х оптички зум и моќна апаратура.
 
 
Главната камера на Asus ZenFone Zoom има оптичка стабилизација на сликата, ласерски фокус, Real Tone блиц со две светла со различен тон, леќа со 10 елементи и f/2.0 апаратура. Предната камера исто така е квалитетна со 5 мегапиксели и широк агол на сликање.
 
 
Asus ZenFone Zoom е атрактивен смартфон и со квалитетниот хардвер составен од 64 bit Intel Atom процесор, батерија со капацитет од 3000 mAh, додека пак IPS LCD дисплејот има големина од 5.5 инчи со Full HD резолуција. Димензиите на Asus ZenFone Zoom се прилично компактни со 158.9 x 78.84 x 11.95 mm, а цената е поставена на 399 долари.