Sony со нов музички сервис за PlayStation и Xperia
Објавено на 30.01.2015 во Новости
Sony најави дека корисниците на PlayStation од последните две генерации на гејмерски конзоли, како и повеќе Xperia смартфони и таблети ќе добијат нов музички сервис со богата содржина наречен едноставно PlayStation Music.
Sony и досега нудеше песни преку сервисот Sony Unlimited кој се покажа како неуспешен и ќе биде укинат на 29 март. Неговата замена PlayStation Music доаѓа како резултат на соработката со стриминг сервисот Spotify кој е екстра популарен на Android и iOs платформата, а се очекува поголем пристап до бесплатни содржини како главна мамка за корисниците иако неопходна ќе биде одредена месечна претплата.
PlayStation Music според Sony ќе биде наменет за гејмерите кои во текот на игрите сакаат непрекинато да слушаат музика во позадина, а сервисот напролет ќе се најде и во понудата на Xperia уредите.
Текстот не смее да се печати или емитува, во целина или во делови без договор со Telefoni.mk.
