BlackBerry Leap е нов смартфон за млади бизнисмени
Објавено на 03.03.2015 во Новости
BlackBerry не издржа премногу долго со враќањето на класичниот концепт на смартфони со физички QWERTY тастатури и одличниот прием кај јавноста во изминатите месеци ќе се обиде да го дополни со новиот смартфон BlackBerry Leap кој има модерен екран на допир.
BlackBerry Leap доаѓа со 5 инчен HD дисплеј за кој BlackBerry тврди дека може да издржи два дена активна работа со батеријата од 2800 mah. Смартфонот е опремен и со четири-јадрен Snapdragon S4 Plus процесор, 2 GB RAM, 16 GB меморија за податоци и главна камера од 8 мегапиксели.
BlackBerry OS 10.3.1 е последната верзија на оперативниот систем која е применета и кај BlackBerry Leap со кој ќе имате пристап до апликации во BlackBerry World, Amazon App Store и Google Play. Дизајнот на BlackBerry Leap нема премногу да ве воодушеви бидејќи има едноставен и веќе досаден „бизнис“ изглед со неивентивна црна маска.
Текстот не смее да се печати или емитува, во целина или во делови без договор со Telefoni.mk.
