Браво за HTC - Запознајте го One E9+ со блескав дисплеј
Објавено на 30.03.2015 во Новости
Како што претпоставуваме HTC денес во Кина и официјално го промовираше одличниот фаблет HTC One E9+ кој доаѓа со фантастичен 5.5 инчен Quad HD дисплеј со резолуција од 2560 х 1440 пиксели и прилично моќен хардвер.
HTC One E9+ наместо Qualcomm користи осум-јадрен Mediatek процесор од 2 GHz, со 3 GB RAM, 16 GB меморија која ќе може да се надополни со microSD картичка, 20 мегапикселна камера, 4 Ultrapixel предна камера, батерија со капацитет од 2800 mAh и 4G LTE.
.jpg)
HTC One E9+ доаѓа и со препознатливите BoomSound стерео звучници, супер тенко тело од 7.9 милиметри и ја користи најновата верзија на Android 5.0 Lollipop.
Најверојатно ќе следи и поевтиниот модел HTC One E9 кој ќе има Full HD дисплеј, 2 GB RAM, 16 мегапикселна камера, додека останатите компоненти се идентични. Останува само да биде соопштена цената на HTC One E9 и HTC One E9+, како и датумот кога ќе може да ги видиме на европскиот пазар.
Текстот не смее да се печати или емитува, во целина или во делови без договор со Telefoni.mk.
