Samsung тоне - Мачно оди и со Galaxy S6
Објавено на 20.05.2015 во Новости
Samsung Mobile и покрај сите пофалби и позитивни оценки за најновите модели на Samsung Galaxy S6 и Samsung Galaxy S6 Edge нема да може да прославува бидејќи смартфоните во период од еден месец од стартот на продажбата се испорачани во 10 милиони примероци, што е послабо дури и од критикуваниот претходник Samsung Galaxy S5, а само за споредба iPhone 6 и во деветиот месец од стартот на продажбата се продаде во над 20 милиони примероци.
Оваа година неуспехот на Samsung Galaxy S6 не се должи на лошиот дизајн, ниту пак на недоволно моќни компоненти, бидејќи дисплејот, хардверот, камерата и процесорт се страшно ефикасни. Проблемот е што Samsung со претходните два премиум модела ги потцени своите купувачи и фанови кои добиваа евтини пластични дизајни и хардвер кој не ги исполнуваше очекувањата.
.png)
Samsung со Galaxy S6 очигледно ќе има тешка задача да му се доближи на iPhone 6 и тоа не може да продолжи да го прави со скапи и безбројни реклами, туку ќе мора да ги убеди корисниците дека нуди врвни перформанси и е најдобар и најквалитетен избор во премиум класата.
Текстот не смее да се печати или емитува, во целина или во делови без договор со Telefoni.mk.
