Microsoft започна со покани за бесплатен Windows 10
Објавено на 01.06.2015 во Новости
Microsoft започна да доставува покани до поголем број на корисници на Windows 7, 8 и 8.1 за навреме да ја резервираат бесплатната надградба со најновата верзија на Windows 10 која како што дознавме неодамна ќе биде достапна за инсталирање до крајот на август, а потребно е да имаат најмалку 3 GB слободен простор.
Во поканата Microsoft потврди дека надградбата за постоечките корисници на легален Windows ќе биде бесплатна и ќе биде во целосна верзија што значи дека нема потреба од тестирање на пробен софтвер и доплаќање.
Ова се одлични вести бидејќи Windows 10 ќе понуди голем број на софтверски новитети како Cortana, Edge и унифицирана Windows Store база на апликации и игри. Во овој момент се уште останува дилемата дали надградбата ќе важи и за корисниците на пиратски софтвер, односно дали ќе може да ја земат надградбата легално и колкава сума на пари ќе треба да одвојат.
Текстот не смее да се печати или емитува, во целина или во делови без договор со Telefoni.mk.