Водоотпорниот Samsung Galaxy S6 во акција
Објавено на 04.06.2015 во Новости
Samsung Mobile ја најави Active верзијата на Samsung Galaxy S6 која ќе ги надополни сите потреби за издржлив и непробиен дизајн, со примена на метални заштитни плочи и капачиња на влезовите. Samsung Galaxy S6 Active го има очекуваниот груб „војнички“ изглед и токму затоа е одвоен од Galaxy S6 кој не е водоотпорен но, затоа пак има супер елегантен дизајн.
.jpg)
Што се однесува до перформансите и функциите на Galaxy S6 Active може да се дадат врвни пофалби бидејќи смартфонот располага со 5.1 инчен Quad HD дисплеј, работи со осум-јадрен Exynos 7420 процесор, 3 GB RAM, 32 GB меморија, 16 мегапикселна камера, 4G LTE конекција, батерија со капацитет од 2550 mah.
Galaxy S6 Active нуди и голем број на додатоци како скенер за пулсот, како и посебно копче од левата страна кое ја активира Activity Zone апликацијата. Со неа ќе добиете директен пристап до барометар, стоперица, компас, информации за временските услови, како и пристап до S Health. Наскоро очекуваме да бидат соопштени цената и датумот на пласман на Galaxy S6 Active.
Текстот не смее да се печати или емитува, во целина или во делови без договор со Telefoni.mk.
