Samsung Galaxy S6 Active спремен за марш
Објавено на 09.06.2015 во Новости
Samsung Mobile повеќе не го крие постоењето на водоотпорниот Samsung Galaxy S6 Active кој покрај IP68 сертификатот, нуди и засилена маска со заштитни елементи од можни оштетувања и дополнителна цврстина. „Војничката“ верзија на Samsung Galaxy S6 покрај издржливоста може да се пофали и речиси со сите премиум компоненти кои ќе придонесат за ектра перформанси.
Samsung Galaxy S6 Active доаѓа со 5.1 инчен Super AMOLED Quad HD дисплеј, работи со најмоќниот Exynos 7 Octa 7420 процесор, 3 GB RAM, 32 GB меморија, 16 мегапикселна камера, како и значително подобра батерија со капацитет од дури 3500 mAh. Samsung Galaxy S6 Active ќе биде понуден во маскирно бела, маскирно сина и сива боја, а ќе се продава по цена од околу 800 долари.
Текстот не смее да се печати или емитува, во целина или во делови без договор со Telefoni.mk.