Windows 10 Mobile ќе биде лансиран во септември
Изгледа дека мора да се стрпиме за новиот мобилен софтвер Windows Mobile 10. Веќе знаеме дека Windows 10 официјално ќе биде претставен на 29 јули, но нема да бидат достапни тогаш сите верзии на новиот оперативен систем на Microsoft. Тоа значи дека на 29 јули ќе биде достапен Windows 10 само за компјутери и таблети, а паметните телефони ќе мора да почекаат уште малку подолго.
Windows 10 за смартфони се нарекува Windows Mobile 10. Оние што ја очекуваа јулската дата, ќе бидат разочарани, сепак нема да биде објавен во блиска иднина. Страницата Neowin пишува дека Microsoft на неодамнашната презентација спомнал дека "Windows Mobile ќе биде достапен кон крајот на следниот квартал од годината". На крајот од третото тримесечје, значи дека датата ќе биде околу септември. Тоа е периодот кога сегашните Windows Phone телефони ќе треба официјално да бидат ажурирани со Windows 10.
Фактички, доколку се вистинити шпекулациите дека претстојните Microsoft Lumia 940 и Cherry Mobile Alpha Prime треба да го имаат инсталирано новиот софтвер Windows Mobile 10, тогаш со сигурност нема да бидат достапни пред септември. Доколку имате можност и желба, во меѓувреме можете да си го инсталирате Windows 10 Technical Preview на одредени Lumia паметни телефони, но само ако сте член на Windows Insider Program.
