Samsung му се потсмева на iPhone 6 - Заплеткан во кабли
Објавено на 27.06.2015 во Новости
Samsung најде нова тема за закачка со Apple и нивната гордост iPhone 6 потсмевајќи им се за неможноста за безжично полнење и постојаната заплетканост со каблите. Samsung одамна ја има применето Qi технологијата за безжично полнење, а најновиот супер смартфон Galaxy S6 има неколку атрактивни новитети во менаџментот на батеријата, ефикасното и брзо полнење и ultra battery saving режимот на работа кога енергијата е на „цртка“.
Главната поента на Samsung е дека повторно со Galaxy S6 добивате цел ден на енергија за активна употреба, додека корисниците на iPhone 6 се „гушкачи“ на штекер, бидејќи треба постојано да мислат на батеријата. Со ова тврдење не може целосно да се сложиме бидејќи iPhone 6 има солидна батерија и ниска потрошувачка, па со едно полнење може да поминете десетина часа во активна работа без никаков проблем.
Текстот не смее да се печати или емитува, во целина или во делови без договор со Telefoni.mk.