Xiaomi Mi 8 SE: Точка за премостување на евтините и скапите смартфони

Објавено на 25.10.2018 во Рецензија


Xiaomi Mi 8 SE: Точка за премостување на евтините и скапите смартфони

Оцени

usability
10.0


Перформанси
9.7


Цена
10.0


Камера
9.0


резултат
9.7


Наши забелешки

Positives:

- Одлични перформанси;
- Брилијантна изработка на дизајнот;
- Многу добра камера;
- Одличен екран;

 

Negatives:

- Нема 3,5мм аудио влез;
- Нема стабилизација за 4К;



Целата рецензија

Xiaomi го претстави новиот Mi 8 SE, кој сите ги збуни со називот SE. Новиот модел е наследник на Mi 6, што значи дека производителот го прескокна бројот 7 во серијата. Mi 8 SE е интересен модел од средна класа, кој доаѓа со Super AMOLED екран и претставува прв смартфон во светот со Snapdragon 710 процесор. Тука е и новиот дизајн, ајде да видиме подетално што имаме со него.

Дизајн и екран

Xiaomi Mi 8 SE е верзија со помал екран од Mi 8, при што SE првенствено се однесува на големината, затоа што наводно значи Small Edition (мала верзија). Телото од предната и задната страна е изработено од стакло, додека рамката помеѓу нив е алуминиумска. Xiaomi досега ставаше светли тонови во своите телефони, но сега тоа се промени. Сите четири варијанти на црвено, сино, златно и сиво, имаат црна рамка околу екранот, која зазема точно 81,3% од предната страна. На засекот се сместени сензорите, селфи камерата, звучникот за повици и инфрацрвениот сензор за лицето.

Mi 8 SE не е првиот Xiaomi смартфон со OLED екран, но дефинитивно е прв со Samsung Super AMOLED екран. Некои можеби се сеќаваат на Redmi Pro кој беше првиот смартфон на компанијата со OLED екран и две задни камери. Mi Note 2 е со ист екран што беше заоблен на рабовите, со што се постигнува мал wow ефект. Mi 8 SE располага со 5.88 инчен дисплеј со резолуција од 2244 x 1080 пиксели, со густина на пиксели од 423ppi.

Хардвер

Xiaomi Mi 8 SE има под хауба Snapdragon 710 процесор. Серијата 700 е новост кај Qualcomm, воведена поради големиот јаз меѓу евтините процесори од серијата 600 и серијата 800. Јадрата доаѓаат со конфигурација од 2+6 јадра, каде имаме две Kryo 360 Gold јадра со 2,2GHz и шест Kryo 360 Silver јадра со 1,7GHz. Станува збор за јадра што се изведени од Cortex-A75, односно Cortex-A55. За графиката се грижи GPU Adreno 616. Mi 8 SE се продава исклучиво со 64GB внатрешна меморија, додека RAM може да биде со 4 или 6GB. 4GB со ваков брз процесор е сосема доволно, но поради малата разлика во цената, повеќе се исплати да купите верзија со 6GB.

Перформансите се многу добри, имајќи го во предвид тоа што процесорот е изработен со 10-nm процес. Така е благ кон батеријата, нема претерано загревање со големо оптеретување и перформансите се постојани. Сензорот за отпечатоци е исклучително брз и прецизен, што веќе стана и заштитен знак на Xiaomi. Xiaomi Mi 8 SE содржи батерија со капацитет од 3.120mAh, што значи малку помалку од оригиналниот Mi 8, што е логично благодарение на малото куќиште. Од друга страна, новиот Snapdragon 710 процесор е изработен со 10nm процес и многу поштедлив е од серијата 600, која е изработена со 14 нанометарски процес.

Софтвер

MIUI 10 е официјално достапен за повеќето нови уреди на Xiaomi, но не и во конечната верзија, па мораме да се задоволиме со MIUI 9. Ако сакате да си поиграте со рачна инсталација на OS, можете тоа секогаш да го направите. Ако не планираме на бета верзијата на Android P, како темел се користи моментално најновата верзија на Android 8.1 Oreo, но тоа овде и речиси не е важно, затоа што интерфејсот е изменет до последен детал. За некои вака длабокот навлегување во оперативниот систем не им проаѓа од рака, па доаѓа до троми перформанси, иако е добро познато дека Xiaomi нема такви проблеми со MIUI.

Уредот најбрзо ќе го отклучите со вчитување на отисокот за прсти или лицето, што е воедно и безбедносен метод. Потоа ќе ве дочека познатиот комплет на иконки, на кои може да им го менувате изгледот преку бројни теми. Интересна е Dual apps функцијата што клонира апликација код, со кој е невозможно да се пријавувате од друга корисничка сметка или број на мобилен, на пример Messenger или WhatsApp, што ја елиминира потребата за иритантни пријави или одјави или во најлош случај користење на повеќе уреди.

Камера

За разлика од оригиналниот Mi 8, Mi 8 SE има малку послаба камера и тоа онаа со сензор од 12MP, потпомогнат со сензор од 5MP за постигнување на длабочина на деталите, односно Bokeh ефект. Се работи генерално за камера којашто според спецификациите е послаба од оние на Mi 8, но во пракса тоа и баш нема да се забележи. Софтверските можности на камерата се отприлика исти како оние на Mi 8. Интерфејсот е практично идентичен, и тука го имате HDR режимот и различни други филтри, при што не е исклучено и управувањето со камерата преку AI технологија, што е од голема помош и голема предност.

Селфи камерата има 20MP сензор, при што физичката големина на пикселите е малку поголема отколку кај оригиналниот модел, но тоа нема премногу да влијае врз квалитетот на фотографиите. Се разбира, тука се и различните начини за разубавување, пеглање на брчките и истенчување на одредени делови од телото. Mi 8 SE снима со 1080p 30 fps, додека изостанува 60fps. За 4K може да одберете дали го сакате стариот h.246 или новиот h.265 кодек. Вториот нуди подобра компресија и неговите видео датотеки заземаат помалку место, додека првиот е поддржан од повеќе различни плеери и онлајн видео сервиси.

Заклучок

Со оглед на тоа што Xiaomi Mi 8 SE е првиот уред придвижен со новиот Snapdragon 710 што го тестиравме, тешко е да го пронајдеме правиот конкурент. Во секој случај можеме да кажеме дека со купувањето на овој уред не можеме да згрешиме од едноставна причина што доаѓа по навистина поволна цена од 255 евра, што е еднакво на ниска инвестиција и добри перформанси. Што велите?

Дали ви се допадна рецензијата? Ако имате нешто да дополните ве молиме напишете коментар


За авторот

Александар Младеновски
Author Image
Дипломиран новинар, истражувач со познавања во повеќе области, практикува јога, сака да ги инспирира луѓето и да поттикне промени.



 
Најнови телефони
 
  • Watch Edition Series 3
  • Watch Series 3
  • Watch Series 3 Aluminum
  • Watch Edition Series 2 42mm
  • Watch Series 2 42mm
  • Watch Edition Series 2 38mm
  • Watch Series 2 38mm
  • Watch Series 2 Aluminum 42mm
  • Watch Series 1 Aluminum 42mm
  • Watch Series 2 Aluminum 38mm