Acer Iconia Tab A510

Објавено на 18.06.2012 во Рецензија



Acer Iconia Tab A510

Вовед

Со Iconia Tab A510, Asus е меѓу најновите учесници на „Nvidia Tegra 3“ забавата која и тоа како знае да ги расположи своите обожаватели.

Иако по малку личи на својот претходник Iconia Tab A500, сепак четирите јадра и ICS и тоа како ќе ви го олеснат разликувањето.

Acer Iconia Tab има цел да им се спротивстави на конкурентите како Asus Eee Pad Transformer Prime, Transformer Pad 300, па и, многу храбро, новиот iPad 3.

Перформанси

• Димензи: 259.1 x 175.3 x 10.2 mm и 680 g тежок
• Дисплеј: 10,1 инчен дисплеј со резолуција од 1280 x 800 пиксели (149 ppi густина)
• Процесор: Четири-јадрен Nvidia Tegra 3 процесор на 1.3 GHz
• Меморија: 32 GB внатрешна и 1 GB RAM
• OS: Android OS, v4.0 (Ice Cream Sandwich)
• Камера: главна од 5 МП со автофокус и Geo-tagging;  секундарна од 1 МП
• Поврзување: Wi-Fi 802.11 b/g/n, Bluetooth v2.1 со EDR, microUSB v2.0
• Сензори: Accelerometer, gyro, compass
• Останато: Adobe Flash, HDMI излез, Google Search, Maps, Gmail, YouTube, Google Talk, Picasa интеграција, MP3/WAV/WMA/eAAC+ player, MP4/H.264/H.263 player



Дизајн и дисплеј

Кога се работи за изгледот, денес покрај толку многу таблети на пазарот, навистина треба храброст и креативност за да бидеш оригинален. За жал, Acer сметале дека има поважни работи од дизајнот.
Ова дополнително го отежнува и тежината од 680 грама и 10,92mm дебелина во најдебелата точка – барем да го содржи цел тој алуминиум кој можеме да го видиме кај постариот брат Iconia Tab A500.

Уредот го краси 10,1 инчен TFT дисплеј кој, за жал, Super IPS+ екранот на Asus Transformer Prime и Retina дисплејот на iPad. Затоа боите изгледаат малку матни и рефлексијата на сонце би можела да биде малку подобра, иако аглите на гледање се одлични. Но, за околу 400 евра, доволно е и она што го нуди Iconia Tab A510.

Распоредот на копчиња ја има следнава шема: копињата за контрола на звукот и копчето за отклучување се наоѓаат на врвот, што значи совршено ќе „легнат“ од десната страна кога ќе го држите хоризонтално.

На долната страна ќе ги најдете Micro-USB приклучокот и копчето за ресетирање, додека аудио приклучокот, копчето за вклучување и Micro HDMI излезот се наоѓаат на лево. Тука некаде се скриени и слотовите за SIM и microSD картичките.



Интерфејс

За разлика од Samsung и HTC, Аcer сметале дека Google со Ice Cream Sandwich завршиле ептен голема работа, па затоа не сакал да го расипе уживањето во него, со исклучок на неколку свои придонеси.

Првата ваква промена е заклучениот екран кој нуди четири апликации кои директни ги отворате по отклучување, а можете да ги менувате по избор. Интересно е што овие кратенки се направени како на тркало, па моментално означената апликација е светлечки нагласена.



Задржан е дел од стандардниот распоред на аплиакции кај Android, па така на дното се задржани виртуелните копчиња: назад, дома, часновник, поврзување и батерија. Оваа лента исто така нуди и пристап до контролата за звукот.

Мултимедија

Иако екранот не е нешто поради кое треба да „паѓаме во несвес“, во секој случај е пристоен за двете најупотребувани работи на таблет: сурфање на интернет и гледање видеа – а, четирите-јадра и тоа како се погодни за гледање HD.



За да добиете подобар видео плеер (како MoboPlayer или MX Video Player), односно видео плеер кои без проблем ќе се справува со повеќето видео формати, може ќе треба да одите до Google Play.

Ништо поразличен не ниту аудио плеерот, кој е типичен за Android. Но, треба да споменеме дека тој е опремен со Dolby Digital Plus аудио технологија и нуди широка понуда на еквалајзери.



Acer исто така го опремил Iconia Tab A510 со LumiRead, апликацијата за читање електронски книги со многу опции, библиотека и пристап до две online книжари – FeedBooks и epubBooks. Истата апликација поддржува ePub, PDF и TXT фајлови.

Камера

Камерата брои 5 мегапиксели, има автофокус и нуди максимална резолуција од 2592 x 1944 пиксели. Земајќи ги предвид, денешните камери од 8, па и повеќе, мегапиксели, од оваа не очекувајте кој знае што – иако треба да споменеме дека Full HD видејата од 1080p се одлично.



Во однос на опции, можете да си играте со опциите како white-balance и exposure, но и четири режими на сликање: incandescent, daylight, fluorescent и cloudy, во зависност од дел од денот. Но, нема да најдете macro режим, нема блиц, ниту сликање со допир.

Квалитетот си е приказна за себе. Боите, независно дали преку ден или навечер, се матни, односно лошо претставени. Иако ако си поиграте со white-balance можеби ќе добиете некоја попристојна слика, барем во однос на осветлувањето.

Интернет пребарувач

Како една од главните работи кои се прават на таблет, интернет пребарувачот е една од најсилните адути на овој уред.



Се работи за стандардниот пребарувач на Android, со целосната Flash поддршка, што воопшто не е лошо. Пребарувачот сме го опишале без број пати, затоа само ќе кажеме дека страниците се овораат без какво било доцнење, па дури и по зумирање тие брзо се враќаат во форма.

Се разбира, ако вие здосадено од овој пребарувач, секогаш можете да тркнете до Google Play Store и да ги испробате Chrome или Dolphin HD.

Батерија

Батеријата од 9,800mAh е исто така голем плус кај Acer Iconia Tab A510, бидејќи нуди 12 часа на гледање видеа, што е доста солидно. Освен видејата, таблетот издржува 10 часа разновидна напорна работа: стриминг, играње и сурфање во услови на максимална осветленост на екранот.

Единствен недостаток кај батеријата е тоа што за таа целосно да се наполни, потребни се од 10 до 12 часа, но ништо не е совршено, нели?!



Заклучок

Acer Iconia Tab A510 би можел да биде совршениот таблет за вас доколку барате нешто поевтинко, а истовремено и нешто што ќе ви понуди можност целосно да уживате во благодедите на ICS, што во комбинација со 1GB RAM и четири-јадрен процесор, е непроценливо.

Единствени поголеми недостатоци кај Iconia Tab A510 се просечниот дисплеј и послабата камера. Веднаш да разграничиме. Во однос на камерата, тешко дека вие со волкав уред би се местеле да ги сликате пријателите сред улица и слично, така што тоа и не е толку пресудно.

Што се однесува до екранот, може не е retina дисплејот кај iPad, ама освен ако професионално не се занимавате со обработка на видеја или графика, неговата просечност и нема да ви направи некоја голема промена – особено не при сурфање.

Значи, сè на сè, Тајванците завршиле одлична работа – посебно за околу 350 или 400 евра колку што чини низ Европа.

Што мислите вие за него? Пишете ни овде.

Владимир Ѓуров





Прочитајте повеќе: