Oppo Find 5 - Кинеска револуција

Објавено на 17.02.2013 во Рецензија



Oppo Find 5 - Кинеска револуција

Кинеската компанија Oppo за кратко време успеа да се презентира на пазарот како сериозен играч кој може да создаде смартфони со врвен квалитет, па дури и успеаа меѓу првите да лансираат мобилен телефон со Full HD резолуција, веднаш зад HTC со нивниот Droid DNA. Меѓутоа самиот телефон Oppo Find 5 и неговите карактеристики не се доволни за успех на пазарот, туку потребно е и градење на доверба во брендот кој ќе успее да ги привлече купувачите ширум светот, бариера која е очигледна за многу кинески компании кои се борат на светскиот пазар. Сепак, Oppo Find 5 има неколку адути во ракавот кои може да ја променат таа перцепција и со сета моќ може да се спротистави на врвната конкуренција.


Во кутијата

Заедно со Oppo Find 5 доаѓа одличен сет на дополнителни предмети, како што се стерео слушалките, додаток кој речиси е изоставен во последните години од сите познати брендови, два NFC тагови, лента со лежиште за SIM картичка, како и стандардниот micro USB полнач.

Oppo Find 5 Review Oppo Find 5 Review

Дизајн

Најдобар начин да се опише изгледот на Oppo Find 5 е да се рече дека е еден вид на спој меѓу гломазната Nokia Lumia 920 и рамниот Sony Xperia Z. Телото на Oppo Find 5 е изработено од поликарбонат, материјал кој е всушност засилена пластика и е многу издржлив и истиот можевме да го видиме на дело кај неуништливата Nokia Lumia 920. Но, освен квалитетната шасија Oppo Find 5 може да се пофали и со минимални димензии, тој е малку потенок од HTC Droid DNA, со дебелина од 8.9 милиметри, но е малку потежок. Затоа треба да се истакне дека неговата големина, која се должи на екранот од 5 инчи, не е никаква пречка. Рамката околу екранот е минимална, што заштедува многу на простор, а во вертикала смартфонот е долг 141.8 милиметри, што е сосема прифатливо.

The Oppo Find 5 has a solid unibody housing - Oppo Find 5 Review The slightly tapered back of the phone houses the 13-megapixel dual LED flash camera and the speaker - Oppo Find 5 Review
 
Во однос на естетиката на дизајнот може да се каже дека  Oppo создал убав и модерен смартфон, чија главна боја е бела, додека предната страна, односно рамката околу екранот е во црна боја. Смaртофнот има мазно тело, а аглите се закосени во минималнма ромбоидна форма. На предната страна нема физички копчиња, што е одличен потег, а функционалните капацитивни копчиња на Android, back, home и recent се осветлени со бело светло. Од страните, лево и десно, се наоѓаат само копчето за вклучување/заклучување и регулаторот на звук. 

The power button and SIM card slot are on the left, while the volume rocker can be found on the right side - Oppo Find 5 Review Capacitive keys below the display - Oppo Find 5 Review

Екран

Неговиот 5 инчен екран е највозбудливиот дел, бидејќи тој поседува неверојатна резолуција изразена во бројки од 1080 х 1920 пиксели, со што достигнува ниво на густина на сликата од 441 пиксел на еден инч. Вака поставените факти говорат дека Oppo Find 5 има многу поквалитетен екран од еден Samsung Galaxy S III или пак iPhone 5. Некои ќе речат дека нема голема разлика меѓу HD и Full HD, но не можат да претпостават колку не се во право. Екранот има навистина неверојатно изразена слика во секој сегмент, боја, контраст, видливост под дневна светлина и гледање од различен агол, како и голема прецизност на текстот, иконите, зумираната слика, можеби подобра и подетална слика и од лаптоп.


 
Кориснички интерфејс 

Oppo Find 5 работи на оперативниот систем Android Jelly Bean 4.1.2 со ветување дека многу брзо ќе добие и надградба на софтверот. Корисничкиот интерфејс во суштина ги има сите карактеристики на Jelly Bean како што се бројните виџети за персонализација и прилагодување на почетниот екран со икони од апликациите кои сакате да ви се на дофат односно, да добивате навремени информации и известувања. Oppo врз Jelly Bean има прекриено свој скин, односно изглед, кој не може да се пофали со некоја врвна естетика, за разлика од интерфејсот на HTC Sense UI. Кај Oppo Find 5 на располагање ви се неколку вида на известувања уште на заклучениот екран, како што се проверка на пропуштени повици или примени пораки, како и пристап до скратеното мени за управување со музичкиот плеер.

The Oppo Find 5 is running Android 4.1.2 Jelly Bean - Oppo Find 5 Review The Oppo Find 5 is running Android 4.1.2 Jelly Bean - Oppo Find 5 Review The Oppo Find 5 is running Android 4.1.2 Jelly Bean - Oppo Find 5 Review

Пристапот во менито е едноставен, со оглед на големите прегледни икони, како и неколку својствени карактеристики кои ги поседува Oppo Find 5. Една од нив е наречена Snapshots, која ви прикажува, мали картички со апликациите кои во моментот работат и нив може лесно да ги променувате. Најдобра карактеристики кај интерфејсот на Oppo Find 5 е можноста да пристапите до делот на Setings кој е поделен во четири категории назначени за General, Sound, Display и Personal. Ваквиот начин на организација на главните подесување е одлично прегледен и во секое време точно знаете каде да влезете за областа која сакате да ја промените или прилагодите.

The Oppo Find 5 is running Android 4.1.2 Jelly Bean - Oppo Find 5 Review Lockscreen - Oppo Find 5 Review Multitasking - Oppo Find 5 Review

Камера

Во оваа рецензија веднаш ќе се насочиме на камерата која заслужува поголемо внимание со оглед дека се работи за одлично парче техника, која се израмнува по квалитет со останатата конкуренција. Oppo Find 5 поседува камера со сензор од 13 мегапиксели, со HDR технологија, која особено е корисна при слаба осветленост, како и кај Exmor сензорот на Sony Xperia Z, кој досега освои многу пофалби за својот перформанс.

The Camera interface of the Oppo Find 5 - Oppo Find 5 Review The Camera interface of the Oppo Find 5 - Oppo Find 5 Review The Camera interface of the Oppo Find 5 - Oppo Find 5 Review

Сепак, недостигот не е во хардверот, туку во софтверот на камерата, на кој му требаат многу повеќе клучни опции за прилагодување и ефекти на сликите. Проблеми се јавуваат и при автофокусот, но со добра контрола на смартфонот таа грешка лесно се поправа. Многу повеќе се истакнува снимањето на видеа со HD резолуција, благодарение на новата технологија која наоѓа одлична примена при ситуации со слаба осветленост, со Dual LED блицот и HDR модот.


Хардвер и Функционалност

Oppo Find 5 поседува одличен процесор како и кај останатите конкуренти, кој има четири јадра, брзина од 1.5 GHz и е дело на Qualcomm, односно серијата Snapdragon S4. Овој чип апсолутно доминира во светот на смартфоните и обезбедува одлични перформанси, но тешко е да се одвои од бројните ривали кој има конкретно подобра премсетувачка моќ. Таа кај Oppo Find 5 е комбинирана со веќе стандардните 2 GB RAM, а во однос на меморијата постојат две верзии, од 16 и од 32 GB, која е поскапа за 100 долари.

Oppo has categorized all the numerous settings in four screens - Oppo Find 5 Review Oppo has categorized all the numerous settings in four screens - Oppo Find 5 Review Oppo has categorized all the numerous settings in four screens - Oppo Find 5 Review

Единствена пречка во овој дел е немањето на слот за мемориска картичка, што значи дека сте ограничени на понудената меморија која е се посуфитицарна, со оглед на огромниот избор на игри и апликации, но и големината на екранот на кој ќе биде задоволство да се гледаат видеа и мултимедијални содржини. Затоа пак нема да ви недостига ништо во делот кој е назначен за поврзување и интернет, каде се достапни HSPA+ мрежата која обезбедува брзина од 42 Mbps, потоа Wi-Fi, Bluetooth 4.0, A-GPS, DLNA, FM и NFC.
 
System updater - Preinstalled apps - Oppo Find 5 Review File browser - Preinstalled apps - Oppo Find 5 Review Preinstalled apps - Oppo Find 5 Review

За оваа машина да работи непречено се грижи засилената батерија со капацитет од 2500 mAh која можеби не е најиздржливата на пазарот, но Oppo Find 5 може да се пофали дека има најдобра батерија, барем во конкуренцијата на смартфони со големина од 5 инчи. Може да се истакне и квалитетот на неговиот звучник при воспоставување на повици со произведување на јасен и чист звук, без присуство на никакви дисторзии.


Мултимедиа

Oppo Find 5 користи свој мултимедијален плеер за музика и видео кои се прилично едноставно дизајнирани, со мал број на опции, што донекаде е и добра карактеристика за лесен начин на преслушување на песни и видеа. Музичкиот плеер има опции за категоризација на фајловите, со приказ на името на изведувачот и албумот, како и еквилајзер. Благодарение на Dirac HD audio технологијата смартфонот произведува квалитетен и силен звук.

The music player of the Oppo Find 5 has somewhat simplistic look - Oppo Find 5 Review The music player of the Oppo Find 5 has somewhat simplistic look - Oppo Find 5 Review The music player of the Oppo Find 5 has somewhat simplistic look - Oppo Find 5 Review
 
Прегледувањето на видеа е исто така едноставно, со мал број на опции на располагање, но ги има најважните како што е приказ на преводи кога е тоа можно, како и основните контроли за звук и информации за форматот на видеото. Тука треба да се спомене дека Oppo Find 5 ги подржува речиси сите видео формати, како MKV/DivX/Xvid и видеа со HD и Full HD резолуција кое е дополнително задоволство да се гледа на големиот екран од 5 инчи.  

Oppo Find 5 Review Oppo Find 5 Review The music player of the Oppo Find 5 has somewhat simplistic look - Oppo Find 5 Review

Заклучок

Oppo Find 5 е одличен 5 инчен смартфон кој ја поседува најновата технологија. Како негови најголеми предности се издвојуваат Full HD HD екранот, врвните хардверски компоненти и одличната камера од 13 мегапиксели. Сепак може да се најдат и неколку слабости, како што е недостигот на мемориска картичка и прилично едноставниот кориснички интерфејс на Oppo на кој му недостигаат поголем број на опции за прилагодување. Oppo Find 5 ќе се продава по многу пониска цена од неговите најголеми конкуренти кои доаѓаат од познатите производители како што се HTC DNA и Sony Xperia Z, но нема сомневање дека кинезите сериозно се доближуваат до врвната класа.  

Oppo Find 5 Review

Автор
 
Христијан Станоевиќ




Прочитајте повеќе: